News

MMPM Laboratory Supply and Consultancy Services Co., Ltd. နှင့် ကမ္ဘာ့အဆင့်မီ Waters Brand တို့ တရားဝင် ပူးပေါင်းဆောင်ရွက်မှု သတင်းလွှာ MMPM Labortory Supply and Consultancy Services Co., Ltd. အနေဖြင့် ကမ္ဘာကျော် အရည်အသွေးမြင့် ဓာတ်ခွဲခန်းသုံး စက်ပစ္စည်းထုတ်လုပ်သည့် Waters Brand ၏ HPLC (High-Performance Liquid Chromatography) စက်များကို မြန်မာနိုင်ငံအတွင်း တရားဝင် ဖြန့်ချိရောင်းချသူ (Official Distributor) အဖြစ် တာဝန်ယူ ဆောင်ရွက်သွားတော့မည်ဖြစ်ကြောင်း ဝမ်းမြောက်စွာ အသိပေးအပ်ပါသည်။ လွန်ခဲ့သော ၂၀၂၆ ခုနှစ်၊ ဩဂုတ်လ (၂၇) ရက်နေ့တွင် Waters မှ တာဝန်ရှိသူကိုယ်တိုင် MMPM Labortory Supply and Consultancy Services Co., Ltd. သို့ လာရောက်လည်ပတ်ခဲ့ပြီး ရှေ့ဆက်လက်တွဲဆောင်ရွက်မည့် လုပ်ငန်းစဉ်များနှင့် ပတ်သက်၍ အသေးစိတ် ဆွေးနွေးခဲ့ကြပါသည်။ အဆိုပါ တွေ့ဆုံမှုမှတစ်ဆင့် ရှေ့အနာဂတ်တွင် နည်းပညာဆိုင်ရာ Project များစွာကို အတူတကွ ပူးပေါင်းလုပ်ဆောင်သွားရန် သဘောတူညီမှု ရရှိခဲ့ပါသည်။ MMPM Labortory Supply and Consultancy Services Co., Ltd. အနေဖြင့် ပိုမိုကောင်းမွန်ဆန်းသစ်သော နည်းပညာများ၊ အရည်အသွေးပြည့်မီ စိတ်ချရသော စက်ပစ္စည်းများကို ဝယ်ယူသူ Customer များထံ စနစ်တကျ တပ်ဆင်ရောင်းချပေးသွားမည်ဖြစ်ပြီး၊ ရောင်းချပြီးနောက်ပိုင်း လိုအပ်သော ဝန်ဆောင်မှုများကိုလည်း အကောင်းဆုံး ပံ့ပိုးပေးသွားမည် ဖြစ်ပါသည်။

မြန်မာနိုင်ငံ၏ သုတေသနနှင့် နည်းပညာကဏ္ဍ ဖွံ့ဖြိုးတိုးတက်ရေးအတွက် MMMT Group Co., Ltd. မှ အဆင့်မြင့် နည်းပညာသုံး ဓာတ်ခွဲခန်းသုံး စက်ကိရိယာကြီးတစ်ခုကို အောင်မြင်စွာ တပ်ဆင်လွှဲပြောင်းပေးနိုင်ခဲ့ပါသည်။ ဂျာမနီနိုင်ငံအခြေစိုက် greateyes GmbH မှ ထုတ်လုပ်သော LumiSolarCell EL/PL System (Electroluminescence & Photoluminescence Testing Equipment) ကို (Naypyitaw State Academy - NSA) တွင် တပ်ဆင်ခြင်း (Installation) နှင့် အသုံးပြုပုံ အဆင့်မြင့် သင်တန်းပို့ချခြင်း (Hands-on Training) တို့ကို MMMT Group ၏ ကျွမ်းကျင် အင်ဂျင်နီယာအဖွဲ့မှ အောင်မြင်စွာ စနစ်တကျ ဆောင်ရွက်ပေးခဲ့ပြီးဖြစ်ပါသည်။ LumiSolarCell EL/PL စက်၏ ထူးခြားဆန်းသစ်သော နည်းပညာရပ်များ LumiSolarCell EL/PL စက်သည် Solar Cell နှင့် Wafer များ၏ အရည်အသွေးကို မိုက်ခရိုအဆင့်အထိ တိကျစွာ စမ်းသပ်စစ်ဆေးနိုင်သည့် သုတေသနနှင့် အရည်အသွေးထိန်းချုပ်ရေး (R&D) သုံး အဆင့်မြင့် စက်ကိရိယာ ဖြစ်ပါသည်။ Micro-crack Detection: Solar Cell များအတွင်း မျက်စိဖြင့် မမြင်နိုင်သော သေးငယ်သည့် အက်ကြောင်းများ (Micro-cracks)၊ Solder joint အပြစ်အဆာများနှင့် ဆဲလ်သေများကို အနီအောက်ရောင်ခြည် ကင်မရာ စနစ်ဖြင့် အသေးစိတ် ဓာတ်မှန်ရိုက် စစ်ဆေးပေးနိုင်ခြင်း။ Dual Testing Capabilities (EL & PL): Electroluminescence (လျှပ်စစ်ဓာတ်အားပေး၍ စမ်းသပ်ခြင်း) ရော Photoluminescence (အလင်းရောင်ခြည်သုံး၍ စမ်းသပ်ခြင်း) ပါ နည်းပညာ နှစ်မျိုးလုံးကို စက်တစ်လုံးတည်းဖြင့် တိကျစွာ တိုင်းတာနိုင်ခြင်း။ High-Precision Analysis: ဂျာမနီနိုင်ငံထုတ် အဆင့်မြင့် Vacuum CCD Camera နှင့် Optics များ ပါဝင်သောကြောင့် Solar Panel မထုတ်လုပ်မီ Cell အဆင့် အရည်အသွေးနှင့် စွမ်းဆောင်ရည်ကို တိကျစွာ တိုင်းတာပေးနိုင်ခြင်း။ အဆိုပါ အဆင့်မြင့် စက်ကိရိယာ တပ်ဆင်လိုက်နိုင်ခြင်းဖြင့် Naypyitaw State Academy (NSA) မှ ဆရာ/ဆရာမများနှင့် သုတေသနပညာရှင်များအနေဖြင့် Solar/Renewable Energy နည်းပညာဆိုင်ရာ သုတေသနလုပ်ငန်းများကို ကမ္ဘာ့အဆင့်မီ စမ်းသပ်စစ်ဆေး လေ့လာနိုင်တော့မည် ဖြစ်ပါသည်။ MMMT Group Co., Ltd. အနေဖြင့် မြန်မာနိုင်ငံရှိ တက္ကသိုလ်များ၊ သုတေသနဌာနများနှင့် စက်ရုံ/အဖွဲ့အစည်းများအတွက် ကမ္ဘာ့အဆင့်မီ Laboratory Equipment များ၊ Scientific Instruments များကို အကောင်းဆုံး ဝန်ဆောင်မှု၊ မှန်ကန်သော တပ်ဆင်ပေးမှုများဖြင့် စဉ်ဆက်မပြတ် ဝန်ဆောင်မှုပေးလျက်ရှိပါသည်။